Home News Merath pahunchee Priyanka Gandhi, Hospital mein kee bheem aarmee cheeph se mulaakaat

Merath pahunchee Priyanka Gandhi, Hospital mein kee bheem aarmee cheeph se mulaakaat

18
0
Priyanka Gandhi (Photo: ANI)

Lok Sabha Election 2019: kaangres mahaasachiv aur uttar pradesh poorv kee prabhaaree Priyanka Gandhi merath pahunchee aur yahaan unhonne aspataal mein bhartee bheem aarmee ke pramukh chandrashekhar raavan se mulaakaat kee.

Lok Sabha Election 2019: kaangres mahaasachiv Priyanka Gandhi vaadra ne budhavaar (13 maarch) ko uttar pradesh ke merath mein bheem aarmee ke pramukh chandrashekhar aajaad se aspataal mein mulaakaat kee. ek din pahale hee aajaad ko is aspataal mein bhartee karaaya gaya tha aur priyanka unaka haalachaal jaanane aayeen theen .
priyanka budhavaar shaam achaanak merath ke ek nijee aspataal mein bhartee bheem aarmee ke pramukh chandrashekhar se milane pahunchee theen. unake saath kaangres ke pradesh adhyaksh raaj babbar aur pashchim uttar pradesh ke prabhaaree jyotiraadity sindhiya bhee maujood the.

is dauraan meediya se baatacheet mein Priyanka Gandhi ne itana hee kaha,‘‘chandrashekhar se milane ke liye aspataal aane mein koee raajaneeti nahin hai. main is ladake se milane aaee hain, kyonki chandrashekhar ka sangharsh mujhe pasand aaya. usane apane logon ke lie sangharsh kiya hai.’’ is dauraan aspataal mein suraksha ke kade prabandh kie gae the.

priyanka ne kaha, ‘‘chandrashekhar ka josh pasand aaya, isalie unase milane aaee. inake sangharsh ko jaanatee hoon. is mulaakaat ko raajaneetik chashme se na dekhie.’’ priyanka kareeb aadha ghanta tak aspataal mein raheen.
Priyanka Gandhi se mulaakaat par kaaphee khush dikh rahe bheem aarmee pramukh chandrashekhar ne kaha, ‘‘main so kar utha to Priyanka Gandhi vaadra mere saamane baithee theen.’’ unhonne kaha ki Priyanka Gandhi vaadra unakee tabiyat poochhane aaee theen. isase jyaada aur kuchh nahin. chandrashekhar ne kaha, ‘‘main bahujan samaaj ke saath hoon.’’

gauratalab hai ki mangalavaar ko chandrashekhar kee tabeeyat us samay kharaab ho gaee jab vah sahaaranapur se dillee ke lie ‘bahujan suraksha adhikaar yaatra’ nikaal rahe the. yaatra jab devaband pahunchee tab anumati nahin milane ke kaaran pulis ne yaatra rok dee aur chandrashekhar ko hiraasat mein le liya tha.

pulis kee kaarravaee se naaraaj unake samarthakon ne raajamaarg par hangaama shuroo kar diya. gussaee bheed kee adhikaariyon ke saath nokajhonk huee. hangaame ke beech achaanak chandrashekhar kee tabeeyat bigad gaee aur vah behosh ho gae, jisake baad unhen merath laaya gaya aur aspataal mein bhartee karaaya gaya. bata den ki lokasabha chunaav se pahale Priyanka Gandhi ko poorvee uttar pradesh ka prabhaar saumpa gaya tha.

Leave a Reply

avatar
  Subscribe  
Notify of